RUSİYA’YA GEDƏN YOL

 – EŞGİN

*

Sağ ol deyib vətəndən  

Atamın arxasınca

Uzaq bir yola düşdüm

Bir qaranlıq qatarda

 

Pul olmadı kupeyə  

Onçün aldıq plaskart 

Nənəm, babamdan ötrü  

Darıxırdım hər saat

 

Gâh işıq yanıb – sönür  

Arada bala kəsəyən 

Çörək oğurlayanda  

Qorxurdum düzü bəzən

 

Sevmirdim bu səfəri  

Ağlayıb istəyirdim

“ Tetris”dəki maşınlar  

Qaytarsın məni geri

 

Bəlkə var tanışlarım  

Düşüncəsiylə baxıb 

Yad insanlar tapırdı  

Ancaq sərt baxışlarım  

 

Betonkaya çatırdıq  

Biz artıq addım – addım  

Hətta darıxmaq üçün

Səbirsiz darıxırdım. 

 

Var idi orda bayraq  

Üçrəngli formada  

Amma onda yox idi  

Nə ulduz, nə ay para

 

Artıq həqiqət idi  

Qarşımda yeni dünya  

Bilirdim, Vətən qalıb

Məndən çox-çox uzaqda

 

Bəzən durnalarla  

Elə salam deyib ancaq

Bilirdim ki bu quşlar  

Bizlərdə olmur qonaq

 

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir

Facebook
Twitter
YouTube
Instagram